Թեյն օգնում է երկարացնել կյանքը. բժիշկներ. 1in.am

Դեկարտի անվան համալսարանի առաջատար ուսումնասիրողները կարծում են, որ մշտապես թեյի օգտագործումը նպաստում է բնակչության շրջանում մահացության մակարդակի կրճատմանը, գրում է glianec.com.ua-ը:

Փորձագետներն ապացուցել են, որ թեյի օգտագործումը 24 տոկոսով նվազեցնում է հիվանդությունների առաջացումը: Փորձի ժամանակ ֆրանսիացի մասնագետներն ուսումնասիրել են թեյի և սուրճի փոխադարձ կապն առողջական վիճակի հետ:

Նշվում է, որ փորձին մասնակցած կամավորների թիվը 131.401 է կազմում: Մասնագետներն ուսումնասիրել են նրանց հիվանդությունների պատմությունները, մասնակիցները պատասխանել են այն հարցին, թե որքան սուրճ և թեյ են օրական օգտագործում: Դրանից հետո մասնագետները նրանց հետևել են 3,5 տարի շարունակ: Նշվում է, որ այդ ժամանակահատվածում սրտային հիվանդություններից մահացել է 95 մարդ, այլ հիվանդություններից՝ 630:

Արդյունքները խոսում են այն մասին, որ սուրճի ակտիվ օգտագործումը վտանգավոր հիվանդություններ է առաջացնում, իսկ թեյի օգտագործումը նվազեցնումէ դրանց առաջացման սպառնալիքները:

Հարցեր, պատասխաններ, մեկնաբանություններ